مهمه إنتحاريه في مصلحة الجوازات المصريه

... المهم و بإختصار  أخدت شهادة الإعفاء النهائى من الجيش... فرحان و مبسوط و قلت أول حاجه أعملها أنزل الصبح بدري أثبت الإعفاء على جواز السفر علشان أسلم شهادة الإعفاء للشغل

الزيارة الأولى: الساعة 8:00 صباحا (بدري بقى والدنيا فاضيه) - مصلحة جوازات مدينة نصر

إيييييه الزحمة دي؟؟ يا جماع في مكتب إستعلامات؟ عند الضابط, طابور طويل قدام الضابط, طب يا جماعه أصل أنا عندي جواز ساري أنا بس عايز... عند الضابط... طب بس ... كله عند الضابط ... حاضر.

بعد طابور طويل لحد ما وصلت لحضرة الضابط, صباح الخير.. لو سمحت أنا كنت اخدت شهادة الإعفا.. اتفضل استمارة.. لأ حضرتك أنا... املا الإستمارة وتعالى.. يا سيدي أنا مش عايز جواز سفر جديد, أنا كل اللي عايزه ان أثبت الشهادة دي على الجواز ده لانه ساري وعليه الفيزا الشنجل... ارتفعت راسه وبصلي أخيرًا.. أنا مليش دعوة بالفيزا أنا ليَّ دعوة بالجواز بس... قلت له أنا فاهم بس ... مستعجل سافر بالشهادة , أنا مليش دعوة بالفيزا...

أنا قلت أمشي لما أشوف الاول أطَلع باسبورت جديد ولا اخلي ده, أصل ناس كتير قاللي لو فيه فيزا عالباسبورت بتسهيل عملية إن الواحد يطلع فيزا جديدة خاصةً ان كنت عايز أسافر امريكا في الصيف جدا. بس لما فكرت واستشرت والدي قالي لأ طلع باسبورت جديد واخلص بدل ماتسافر بالشهادة وكمان أهو ترجع الشهادة للشغل.

الزيارة الثانية: الساعة 8:00 صباحا (برضه بدري والدنيا فاضيه) - مصلحة جوازات مدينة نصر

برضه زحمة, ساعة علشان أوصل للضابط واقول له ان عايز استمارة مع إن المسافة متزيدش عن 2 متر طب لو الضابط ده هو اللي بيوزع الإستمارات و يجاوب على إستفسارات الناس بس معقوله كل الزحمة دي؟ المهم أخدت الإستمارة و مليتها و وقفت الطابور إياه تاني بس المرة دى كان معايا ونس, شخص في غاية اللطافه لازق في أفايا و بيتنفس بصوت مسموع مستفز جوه وداني, أول ما وصلت قدام الضابط... روح صور الشهادة والبطاقه و الجواز القديم ,  إبتسمت ابتسامة الفاتحين وقلت له مصورهم , مش عارف ده شعور جواية لأني شخص معقد ولا ده اللي حصل بس فعلا حسيت إنه اتكدر إنه معرفش يعطل ورق اللي أدامه, قعد يشخبط شوية وقال لي روح شباك رقم 1...طابور...برضه طويل زي اخوه... المهم الانسة اللي واقفة عالشباك قعدِت تشخبط... روح للضابط يأشرلك عالورق... طب ما أنا كنت لسه عنده وهو اللي بعتلك الورق أصلا يا انسة يا.... نفس الطابور بس المرة دي قلت مش هقف من الأول رحتله عند الشباك مسك الورق بص فيه كله وقالي استنانى شوية... ربع ساعة ورجعت... قالي لسه شويه لما أفضى... ربع كمان و رجعت...قالي لأ إستنى بره لسه أدامك شويه.

كان فات حوالي ساعة وشوية, قلت لنفسي ياخي ملعون أبواليوم اللي فكرت أدخل فيه أعمل جواز سفر جديد, ماهو أنا أصلا الجواز بتاعي ساري و ممكن عدي أسافر بالشهادة... لازم يعني اثبت الشهادة عالجواز وأعمل فيها فلحوس ... أنا هادخل أسحب الطلب و اجري ألحق بقيت اليوم لأن الساعة كانت قربِّت على 11:30

دخلت لسيادة الظابط, بـالوش الجبس السخيف المرسوم  عليه كلمة منكم لله يا..... لو سمحت ممكن اسحب الطلب بتاعي... وكانت المفاجأة... حاضر ثواني, وطلع الطلب بتاعت من تحت ايده و شخبط فيه شوية و بص في الشهادة وقال لي عايزين واحدة تانية غير دي...وبعدين راح مديني الورق وقال لي روح شباك واحد... شباك واحد؟ أروح ليه؟ مش قلتله يلغي الزفت ؟!!

رحت شباك واحد لقتها بتقولي 135 جنيه... معنى كده إنه ملاغاهوش!! ده خلص الطلب !!! طب مخلصوش من بدري ليه طيب؟؟؟ وليه قال لي عايز شهادة غير دي؟؟ رجعت له...لو سمحت هو فيه مشكلة في الشهادة دي ؟؟ قالي لأ تمام,  بس حضرتك قلتلي أغيرها...قالي لأ خلاص...مش عايزين حاجة... ومشيت.

أنا بأه عايز إجابات على الأسئلة دي: 

- ليه السبع شبابيك اللي بيخدموا جميع المواطنين من أول اللي جاي يستفسر لحد اللي بيستلم الجواز مزنوقين الزنقة السودة دي؟؟؟
- ليه مفيش في المصلحة او إدارة الجوازات مكتب للإستفسارت؟؟
- ليه الظابط الي بيجاوب عالإستفسارات هو الظابط اللي بيوزع الإستمارة هو الظابط اللي بيأشر على الطلبات هو الظابط اللي ليه علاقة بتصاريح الإقامة هو الظابط اللي قاعد في مكان جنب الشبابيك وكل اللي عايزين منه حاجة واقفين قدامه في حوالي متر مربع؟؟
-هو ليه أصلا ظابط؟؟ الموضوع كله ورق في ورق, ليه أصلا ظابط؟ وليه الإدارة دي جوَّه القسم؟ وليه تابعة لوزارة الداخلية؟؟؟
- ليه مبنعرفش نقف طابور؟؟
- ليه الظابط اخد مني الطلب وركنه تحت ايده حوالي ساعة مع إنه لما حب يخلصه..خلصه في 5 ثواني؟؟ وليه خلصه طيب؟
- ليه طلب منه شهادة اعفاء تانية وقال لي دي متنفعش؟؟ وليه ماهتمش أصلا بالموضوع بعدها بثواني لما سألته؟ و كأنه كان بيحاول يرمي أي عوائق وخلاص حتى لو مش مركز ولا مهتم !
- ليه أطَلع جواز سفر في 3 ساعات ونص مع ان كل الورق والصور  اللي محتاجنها معايا؟؟
- ليه موضوع جواز السفر المميكن لما برضه كل الخطوات بنعملها بنفس الطريقة العقيمة؟ ده حتى الجواز القديم كان ممكن نثبت عليه أي حاجة, لكن مع المميكن لازم كل مرة أطَلع واحد جديد !
- ليه الست اللي قاعده جوَّه كانت بتتكلم في الطبيخ وأنا جعان؟؟
- ليه الراجل اللي في الطابور كان لازق مناخيره في أفاية كده؟؟

 ليه كده ؟؟؟

أمياتى لسنة 2013

, أول السنة الجديدة... كل سنه و انتم طيبين , طبعا كل واحد عمال

 يكتب للأقارب والأحباء والأصدقاء كل سنه وانتم طيبين و ان شاء الله تكون سنه سعيدة و كل الامانى تتحقق و الأهل يدوك الكلمتيت بتوع ان شاء الله السنه الجايه فى بيتك والالش ده كله.

المهم و للأسف و لأول مره فى حياتى مابقاش حاسس انى عايز حاجه شخصيه للسنة الجديدة وﻻ عايز هدف أو حلم يتحقق غير النجاح والتقدم في شغلي (ده غير الماجيستير إلى بقالى سنين بقول عايز أعملوا) بس السنه دى انا عايز كميه من الحاجات تتغير و فعلا مفيش حاجه من دول ليها علاقه بيه, ممكن تكون هتنعكس عليا من بعيد لو اتحققت لكن مش انا إلي ممكن احققها.

نفسي ننضف ! احنا المصريين , نفسي نزيد 1% بس احترام و 1% بس أخلاق و 1% بس رحمة و نتقى ربنا 1% بس زيادة في شغلنا و فى افعالنا. طب والله متأكد انها ممكن تفرق جدا رغم ان النسبه بسيطه جدا. 

نفسي انزل بكره الاقى شوية أدب و إحترام فى الشارع و مش عايز احترام ليا, بس نفسي اشوف احترام عيل تافه أرعن سايق عربيتة بتخلف لراجل كبير عايز يعدى الشارع, نفسي أشوف الشارع واقف لمجموعه من الناس عايزة تعدى الشارع و بيعدوا زي البني أدمين زى ما شوفت فى أوروبا. نفسي ألاﻻقى الناس واقفه فى الأوتوستراد فى مدينة نصر مستنيين الأوتوبيس والميكروباص فى الحته الفاضيه جدا إلي بعد العقاد مول, و الميكروباصات ييجو يقفوا ورا بعض والناس تركب بشكل محترم و هما واقفين عالرصيف. طب والله نفسي افهم ليه الناس كلها بتروح تقف قبل و قدام العقاد مول في كتر حته ضيقه و الميكروباصات تقف صف تانى و تالت و رابع و الناس تجرى عليها تركب من نص الشارع؟ و ما أظنش ان دى كمان حاجه محتاجة أقتصاد يتحسن و ﻻ معيشه ترتفع و ﻻ أى حاجه من فتى المبررين ده. نفسي لما أدى إشارة شمال ملاقيش الناس مش راضية توسع بتعنت رهيب لحد ما يفوت عليا الفتحه و كأن كل أمله في الحياة ال 2 متر أسفلت إلى هخدهم منه لحد ما أدخل شمال. نفسي الناس تعرف فكرة إن الشمال للسريع , و مينفعش يمشي فيه على 20-40 كم و لما أرعشلة النور أكيد ده معناه إنى عايز أعدى مش عيل بيلعب في نور العربيه... و لو أديت كلاكس نفسي ميطلعش دراعة و يشاورلي على ال30سم إلي بينه و بين الرصيف و كأنه بيقولي واسعه أهى متعدى يا مجنون. نفسي ادخل أى مصلحه حكومية و ألاقي الناس... مش هقول ايجابية علشان انا مقدر انه بيقبض فتات ﻻ ولا بيكفيه و لاﻻ بيكفى عيلته بس معلش بلاش تبقى سلبى بإستفزاز زايد عن الحد, يا سيدي يعنى أنت بطلعه عالناس مثلا ؟؟  نفسى دكتور الجامعه يعرف ان وظيفته لا تكمن فى مجرد سحق أعصاب الطلاب و تضييع مجهود سنه عالفاضى. نفسي أسمع خبر محترم ليه علاقة بالبحث العلمى, زى مثلا إن زويل جاله منصب رهيب في أى داهيه...قصدى أى مكان و غار و رجع جامعة النيل لصحابها. و نفسي أشوف أي مشروع رعيب فى سيناء و ألاقى كميه رهيبه من الشباب ساب القاهرة و راح يشتغل هناك, يشتغل فى كل المجالات, مشروع مدينه زراعية صناعية عملاقة, كلها مصريين, مفيهاش أجنبي واحد. نفسي أشوف نسبة كبيره من المعاقين فى الشوارع , عايشين حياتهم عادى و بيتحركوا و يشتغلوا و يركبوا مواصلات, ده لما كنت في السويد شوفت كمية معاقين فى كل مكان عايشين حياتهم عادى جدا, في الأول قلت دا إحنا في نعمة يا أخى, ما عندناش نص عدد المعاقين ده... و أتاري عندنا عدد معاقين ييجى قد عدد شعب السويد كله بس للأسف إتحكم عليهم يعيشوا زى الأموات. نفسي الإعلام التافه بتاعنا يتكلم عنهم شوية, و يتكلم بزمه مش أداء واجب, بدل القرف والتمثيل إلي بنشوفه في التلفزيون....آه و نفسي أدخل حمام واحد بس فى مكان عام واحد بس و ما أحسش إن إلي كان هنا حيوان, مرة واحدة بس قبل ما أموت حتى مش لازم فى 2013.

و أخيرا نفسي المطبلاتيه إلي حولين الرئيس يسيبوه في حاله ساعه واحده بس كل يوم. و نفسي المسؤلين و صناع القرار فى الدولة يتقوا ربنا الصبح بس حتى و بلاش بليل, أو حتى بلاش الصبح كله ممكن ساعة واحدة بعد الفطار و كوباية الشاي.

بالنسبة لى أنا ممكن بس يبقى نفسي في حاجه واحدة بس, نفسي الموبايل البلاك بيرى يقعد يوم واحد من غير ما يهنج, أو بلاش يوم كفاية ساعتين....

شريعة للبيع

  تطبيق شريعة إيه اللي بيتكلموا عليه؟  لا تكونوا فاكرين نفسكوا أهل فضيلة و دين وحياة ابوكوا؟؟ 

للأسف  الناس إلي بتنادى بتطبيق الشريعة هى أكتر ناس يهمها أن الشريعه متطبقش ! 

واحد مأفوش بواحدة على حجره في عربية ما تقيموا عليه الحد ! ولا هو بس فالح يطلع يؤيد قرار حجب المواقع الإباحية؟ ولا البيه بيحب الطبيعي أكتر ؟؟

 واللي متصور له فيلم سكس مع واحدة ليه مدورتوش مين الواحدة دي ولو مش مراته يقام عليه حد الزنا ! ولا جناب الزفت خالد عبد الله اللي بيطلع يهزي ويهبل على التلفيزيون , دا ده لوحده لو جمعناله الكلام القذر وكمية القذف والسباب في برنامجه هو والعالم الهايفه إلي بيجبهم معاة,  معرفش هيحصل فيهم إيه !

 ولا الشيخ القذر بتاع يا ش***** يا انجاس , مش برضه عيب لما تدي نفسك لقب شيخ و المفروض يعني إنك راجل دين وتشتم رجل دين تاني؟؟ 

ولا الكداب بتاع مناخيري يانا يامه ؟ ولا القذر الارهابي المسخ إلي قتل الرئيس السادات؟ 

طيب الرئيس مرسي نفسه مش عارف إنه لو طبق الشريعة عليه مسئوليه رهيبة أتجاه أبناء بلدة؟ عليه مسئولية أن مفيش واحد ينام جعان ولا محتاج في البلد كلها؟ 

طيب الشباب والرجال المتحمس في التحرير دول بتوع تطبيق الشريعة, مسألش نفسه ليه مفيش واحد من دول خايف من تطبيق الشريعة رغم قذارتهم؟ طب والله يا ريت يطبقوها , و هنروح بعيد ليه؟ ما تطبقوها !! مش الموضوع في يد مرسى ؟ طبق الشريعه أبوس إيدك يا شيخ !! ما تطبق !!! 

ببساطة علشان دول بتوع دعاية رخيصة و بتوع تجارة رخيصة بأغلى ما نملك الدين و الشريعة, و الإنتخابات قربت  فلازم يبدأ كل واحد فيهم يرجع للشريعه لأنقاذ مصر من الكفر و العهر المنتشر في كل مكان. و الللجنة الدستورية عندها مشاكل فلازم ننادى بتطبيق الشريعة للرجوع إلي الله و سنة نبيه.
و الإخوان و السلفيين  سهمهم في النازل فلازم نفكرهم بشبح العرى و العاهرات الموجودين في كل مكان.

تشويش..تجارة..دعاية إنتخابية رخيصة... و أكثر ما يحزن... كمية الشباب و الرجال الى ماشي وراهم بلا تفكير و لا إحكام للعقل ولو بأدنى حد ممكن.... لكى الله يا مصر.

نفس الرئيس

نفس الرئيس إلى في أول يومين من توليه الحكم زعل قوى ان العساكر بقالها ساعتين واقفين فى الشمس و أمر انهم يدخلوا هو نفس الرئيس إلى لقيته موقف كميه كبيرة جدا من الحراسة قدام القصر و أنا معدى من يومين و المحزن ان الحراسه دى 24 ساعه, نفس الرئيس إلى أول ما مسك الحكم قالوا ده تاعب الحراس لأنه بيرفض أى حراسة تروح معاه المسجد إﻻ اتنين تﻻته هو برضه نفس الرئيس إلى بيبهدل الناس علشان يصلى الجمعة أو العيد و يضايق المصلين بالحراسه والبوابات الإليكترونيه, نفس الرئيس إلى رفض الموكب المكلف هو نفسه الرئيس إلى موكبه اتملى عربيات و بقى بيوقف الشوارع, نفس الرئيس إلي قال لن يظلم أحد في عهدى هو نفس الرئيس إلى فى عهده مات من كام يوم مواطن من كتر الضرب فى القسم..... فعلا مفيش فايدة !

دخل الحرامى و أنا صاحى شوف قلة أدبه...

من الآخِر كده تحيا الشرطة و تحيا وزارة الداخلية المصرية و يحيا رجال الداخلية الأكفاء , ماهو مش معقول لما ضابط يغلط وﻻ أمين يتصرف بشكل غير مناسب من وجهه نظر الناس نغسله شهور فى الجرايد و لما حد يعمل حاجه تمام مفيش كلمه شكر, ده حتى يبقى عيب. وشكر خاص لسيادة النقيب/ مصطفى الشعبيني.

شارع عباس العقاد..صحراء جرداء ﻻ زرع فيها وﻻ ماء..الكلام ده من 25 سنه أيام ما أهلى سكنوا فى بيتنا ده, أما الآن..الصحراء بقت مدينة بنت تيييت, والشارع صعب حبتين, زحمه وأنا بحب الفضا, دوشه و أنا بحب الهدوء... بابا نبيع البيت و نروح أى حته فاضيه.. معاك حق الواحد زهق من الزحمه.. أمى: وبيتنا والذكريات؟!!... المهم إعلان فى الوسيط على الإنترنت... كام تليفون استعلامات سخيفه كعادة المصريين لما يشتروا أى شئ مع محاولة اظهار قوة ملاحظة و نصاحه مزيفه يفتقدها من يبديها أملا فى أن إلى بيكلمه يظن ان ده واد مش سهل و عقر و مش بيتنصب عليه.

ألو.. أيوة من فضلك أنا بتصل علشان اعلان الشقة إلى في الوسيط...حتة واد خ....احم قصدى واد مايع مياعه...لدرجة انى افتكرتها اشتغاله و لسه هرزعه إالى فيه النصيب...لقيته بيتكلم بجد...و هو  بيتكلم كده فعلا, اسغفر الله العظيم. كنت فى الشعل بس أهلى فى البيت, كلمتهم فيه واحد كلمنى عايز يبص على البيت, أبويا كلمه  لقيت تليفون بعدها من أبويا , بيقلد الواد فى طريقة كلامه " مستر راضى...ازيك يا مستر راضى... أنا كلمت مستر كريم..." إيه يابنى الواد ده؟ جبته منين ده يا... 

المهم... الولد جه كان يوم أحد, مكنتش موجود بس حسب وصف أهلى... شاب ابن ناس , عايش في امريكا طول عمره، أبوه عنده بزنس في مصر و معارض عربيات و ساكن في الزمالك، و لما أبوه توفى رجع مصر علشان يمسك البزنس وعايز يسكن في شقة في مدينة نصر, بس أهم حاجة عنده ال Security ( الأمن) وال View (الواجهة) واتفرج على الشقة وكلم أمه في امريكا ( mum) زي ماكان بيقولها بمياعة في التليفون حسب ما اتحكالي وشوية أسئلة ومن الاسئلة المهمة كان سؤاله على ال neighbors (الجيران) إيه أخبار ال neighbors هنا؟ بيتدخلوا في شئون بعد ولا كل واحد في حاله؟ المهم... طب أنا لو عايز آخد الشقة امتى ممكن؟ لو ممكن in 6 weeks or less  (ستة أسابيع أو أقَل)  أصل أنا مش عايز mum تتبهدل وعايز أخَلص decorations قبل ماتيجي من ال states. واتفقنا وفاصل حبتين كعادة المصريين وكنا مزودين حبتين  كعادة المصريين برضه, وفالآخر استقرينا على سعر. وقال أنا إنهاردة هجيب عربون أو down payment زي ما تحبوا سموها وبكرة هاجي أنا وال lawyer (محامي) بتاعنا علشان نكتب ال contract (عقد). وكان طلبه الوحيد إننا نقرا الفاتحة علشان ولا هو يدور تاني ولا إحنا نوريها لحد. يا واد يا مؤمن. وعدا ساعة..ساعتين..الساعة جت 12 .. اليوم خلص.. بس استنى يا عم حزمبل...قصدي يا عم راضي, الغايب حجته معاه. يمكن ييجي بكرة, أو يمكن مش جاد في كلامه,  وعامةً احنا مش خسرانين حاجة. بس مفرجناش حد على الشقة فعلا احتراما للفاتحه اللي قريناها معاه.

يوم جمعة, نازلين رايحين عزومة, يلا أنا لبست انجزوا, ماما: مش لاقية الخاتم , مش عارفة راح فين, طب ننزل وأبقى الدور عليه بعدين.... رجعنا. قلبنا البيت, و قعدنا نفكر طب لبستيهم امتى آخر مرة طب سبتهم فين, ومفيش حد بيدخل بيتنا أصلا.. غير الولد اللي جه شاف البيت, بس مفيش شك فيه لان أبويا وأخويا ماسابهوش لحظة. المهم الخاتم ضاع, لأ خاتمين. أمي زعلت يومين وأبويا قالها الحمدلله أحسن ماكانت تيجي في حد مننا.

  يوم الأحد, إلي  هو إمبارح, الانتركم رن, السكيورتي: أنتم عاملين إعلان عن الشقة يا مدام, أصل فيه هنا ضابط و جاي وبيسأل عن الدكتور و إعلان  لبيع الشقة. المهم قلنا لبتاع الأمن يخليهم يتفضلوا و طلعوا وكانوا 2 ضباط ومعاهم راجل عريض المنكبين رابط في ايده بالكلبش ولد رفيع صغير لا يرى بالعين المجردة, ده الشاب الي جه شاف البيت من أسبوع.

 و طلع بقى يا سيدي الواد ده حرامي بروفشيونال سرق 11 بيت بالطريقة دي, وفعلا لما شفته شكله ابن ناس جدا ! مش ممكن حتى إن الواحد يشك فيه , وده راجع لإنه فعلا ابن ناس جدا , بكالوريوس هندسة ومتعلم وبيتكلم انجليزي رائع. واعترف بكل السرقات اللي    عملها, أبويا ساب كل حاجة وكان عايز يعرف بس ابن اللذينة سرق الخاتمين امتى؟ دول خاتمين في علبة في درج مقفول في دولاب مقفول وهمه معاه طول الوقت. بس الواد اعترف إنه فعلا سرقهم من المكان ده, تقريبا لما كان بيكلم أمه وبيوصف لها ممكن يكسر حتة فين ويعمل إيه وأبويا بعد سِنة عنه علشان يديه حرية في الكلام. بس الصراحة الواد ابن لعيبة.

و اللي فعلا عجبني في الموضوع , قد إيه رجالة الشرطة المصرية والمباحث بالذات صاحية  وعارفه كل حاجة بتحصل تمام في الوقت اللي كتييير من الناس متخيلة إن الشرطة مش شغالة بقوة وكفاءة. وإزاي رجالة المباحث عرفت تجيب الولد وتعمله كمين, وتظبطه ومعاه مسروقات. مش بس كده دول بيحاولوا يرجعوا كل المسروقات على وجه السرعة للناس اللي اتسرقت.

التحية كل التحية لرجال الشرطة.

بس بكالوريوس هندسة ومتعلم وابن ناس يسرق بيوت و يدمر مستقبله ؟ مربحة؟ عنده داء السرقة؟ يمكن هروين؟ 
طب وال ناس اللي اتصلوا بعده و قلتلهم البيت اتباع؟ كان لازم يعني تقرأ فاتحة وإنت جاي تسرق؟ ماكنت تمشيها في اللذيذ كده وخلاص...

Difference between International, multinational, global and transnational companies

   This may be a very clear topic for many business students and professionals yet lots are still finding it difficult to differentiate between each, I found these definitions online, hope they'd be useful.

- International companies are importers and exporters, they have no investment outside of their home country.

- Multinational companies have investment in other countries, but do not have coordinated product offerings in each country. More focused on adapting their products and service to each individual local market.

- Global companies have invested and are present in many countries. They market their products through the use of the same coordinated image/brand in all markets. Generally one corporate office that is responsible for global strategy. Emphasis on volume, cost management and efficiency.

- Transnational companies are much more complex organizations. They have invested in foreign operations, have a central corporate facility but give decision-making, R&D and marketing powers to each individual foreign market

Source:

http://leeiwan.wordpress.com

The Chupa Chups logo Salvador Dali's Masterpiece

  I've always been fond of both of them, Salvador Dali's work and the amazing Chupa Chups lollipop logo, but I've never thought there could be something common between both except being Catalan.
  As he always did, again he's amazing us one more time, the legend, the wacky surrealist Salvador Dali comes to be the one behind the famous Chupa Chups famous logo ! Yes it's true, dunno if you've heard about it before or not but that's totally a new information for me. This all goes back to the 50's when the Chupa Chups cofounder Enric Bernat had an idea of placing a candy on a stick, he named it "GOL," or ”goal” in English, imagining the candy as a football, being scored in mouth. It didn’t go over well. So Bernat hired an advertising agency that renamed the lollipop to "Chupa Chups" which means “to suck” in English. The name was renovated, what about tzhe branding ?
  Late 60's Bernat complained about that issue while having coffee with a friend who was an artist....yes ! It was Dali ! Dali designed the Chupa Chups logo in about an hour, drawing it on a news paper. He took the lollipop's name and used it to design the fancy long lasting logo that barely changed after all those years. That wasn't all, Dali also had the idea of placing the logo up on top of the lollipop, so it would be more intact. What's really strange was Dali's role in such a thing.
  Why would a genius surrealist who's famous for his art and unique style especially with that famous mustache take such a thing? That was olso one new thing to know about Dali, his eagerness ! he never let a chance down. This makes it clear why was he nicknamed by André Breton "Avida Dollars" , in English ” eager for cash ”.