Khoza3balat: حقيقة البلاغات ضد الفريق أحمد شفيق

Khoza3balat: حقيقة البلاغات ضد الفريق أحمد شفيق: شاء الله العلي القدير أن تجيء بين يدي صور البلاغات التي قدمت للنائب العام ضد الفريق أحمد شفيق وزير الطيران المدني السابق في عهد الرئيس الس...

'' بيئة ''

كلمة '' بيئة '' دي أكتر كلمة بكرهها في حياتي ! ناس واقفة بتتصور في سيتي ستارز بموبايل.. إيه داعي اننا نضحك عليهم؟ إيه داعي اننا نقول عليهم بيئة؟ والله معلش أنا عارفة إنها صدمة بس مش كل الناس بتلف العالم و تاخد صور جنب ميكي ماوس في الديزني لاند !!! لو بيتصوروا في المول فده لأن هو ده المكان الوحيد اللي يقدروا يروحوه.. و بيتصوروا بموبايل لأنهم ممكن يعيشوا و يموتوا قبل ما يمتلكوا نص ثمن الكاميرات اللي ...احنا بنتصور بيها ! كلمة '' بيئة '' دي ثقافة متخلفة ! ثقافة خلت إنك تبقى جامد أما تسافر اوروبا في الصيف..و تبقى معفن أما تسافر اسكندرية تقعد على شاطئ مجاني تستمتع بجمال بلدك بدون تكلف! خلت اللي يتكلم لغة انجليزية بطلاقة يبقى ليه الأولوية في فرص العمل و يبقى كووول! و اللي يتكلم لغة عربية بطلاقة يبقى اهبل! خلت الناس تقرف من البلد في شم النسيم و الاعياد عشان الناس البسيطة بيقدروا ينزلوا و يخرجوا.. ...بنضايق من لبسهم من كلامهم من انتشارهم.. و عمرنا ما بنتلفت للسعادة اللي على وشهم! لو صورهم في المول هتسعدهم.. لو نزولهم البحر بهدومهم هيسعدهم.. لو أي حاجة بيعملوها بتسعدهم.. يبقى مش من حقنا نحكم عليهم انهم '' بيئة '' عشان بيفرحوا بالطرق المتاحة قدامهم! شيل الكلمة دي من قاموس حياتك.. و قدر الناس و طبقاتهم و بساطتهم و افرح لفرحهم و بصلهم كويس أكيد هتشوف شيء من الطيبة من الحب من العفوية من البساطة.. أكيد هتشوف شيء من بلدك.. شيء منك! ساعتها بس هتحس إنك إنسان.. و اللي أقل منك إنسان.. و اللي أقل منكم إنسان.. إنسان من حقه يفرح و يضحك من غير ما حد يبص عليه أو ينتقده لمجرد انه مدفعش مينيمم لضحكته. 

العباسية..الجمعة..مشهد مجلس العار ..كلاكيت عاشر مرة

قمة الحزن أن نشاهد ماحدث اليوم, الجمعة الرابع من مايو 2012, من احداث مؤسفة في ميدان العباسية. سحل وضرب ومطاردات وربما قتل. ليست المرة الأولى ولن تكون الأخيرة طالما ظل الهدف هو المصالح الشخصية أو الحزبية و ظلت مصالح كيان ما فوق مصلحة الوطن. والاكثر حزنا عندما تشاهد أبناء الوطن الواحد يتقاتلون بهذه الوحشية, دون ان يضع احد منهم اعتبارا للدين أو الدم أو الوطن الذي يجمعهم, وتشاهد هذه المعركة تتكرر مرات ومرات. وكأنهم لا يتعلمون من المرات السابقة. 

لا ادافع عن المتظاهرين , فأنا شخصيا لا أرى سببا واضحا للتظاهر ولكن ان يكون الضرب والسحل وتفريق المتظاهرين بهذه بهذه الوحشية, هو ما لا ارضاه ولا يرضاه إنسان. وما صدمني أكثر كانت الطريقة التي انتهت بها التظاهرات. 

كَتب الآتي الدكتور محمد علي يوسف واصفا ماحدث بعد ان كانت التظاهرات قد إنحصرت, وتم حرق الخيام الخاصة بالمعتصمين وكان الآلاف في ميدان يهتفون هتافات سلمية, حين بدأت أبشع الأخبار تنتشر على موقع التواصل الاجتماعي بعد ان كانت قد توقفت القنوات التلفزيونية عن بث ما يجري من أحداث. بدأت الاستغاثات و الحديث عن عمليات عنف بشعة من جانب الشرطة العسكرية والبلطجية. فكرت أنه ربما تكون مجرد إشاعات غرضها اشعال الموقف. 

لكن منذ قليل قراءة هذه المقالة للدكتور محمد علي يوسف:

أتحامل على نفسى و أستجمع قواى التى خارت بعد هجمة لم أر مثلها حتى أيام حكم المخلوع و جبروته لعلها تكون شهادة حق و صدق فى لحظات ساد فيها الكذب و الافتراء كما يصلنى من بعض اخوانى الذين يتصلون للاطمئنان على. 

صدق أو لا تصدق لكن الحقيقة المرة التى سينكرها الكثيرون أن ما حدث لم يكن بسبب اشتباكات و لا جهاديين و لا يحزنون. 

الحقيقة ان الشرطة العسكرية كانت قد نجحت تماما فى فض الاعتصام و احراق الخيام و المستشفى الميدانى و حصرت المتظاهرين داخل الميدان و امام مسجد نور و لم تكن هناك الا هتافات سلمية عادية و متظاهرون لا يكادون يرون امامهم من الغاز المميت الذى اطلق عليهم و مسعفون ينجدونهم بالخل و الكربونات.

و فجأة و دون سابق انذار هجمة تترية من جنود الشرطة العسكرية و دوى طلقات متباينة تماما و غاز رهيب و سحل بالهراوات لدرجة انهم كسحوا الميدان فى ثلاث دقائق ليس اكثر 

تخل الاف المتظاهرين يخلوا فى ثلاث دقائق! !! 

اى وحشية و شراسة عوملوا بها ليخلى الميدان بهذه السرعة 

ثم جاء دور البلطجية ليكملوا حصار من فروا فى البيوت و الشوارع الجانبية 

ما اسوأه من منظر حين ترى البلطجى المسلح إلى ذوى الباريهات الحمراء 

مشهد مؤسف لا تتصور لن تراه فى بلد قامت فيها ثورة ...او هكذا زعموا 

حوصر بعض اخواننا فى مسجد نور و منهم شباب كانوا معنا اقسم انهم ما دخلوا الا ليصلوا هاتفنى احدهم و هم يدخلون المسجد ليعتقلوهم فدعواتكم لهم. 

المهم هذا ما شهدته و هذا ما أدين لله به و لم ار غيره و الله على ما أقول وكيل. 

دعواتكم لان الآلام النفسية اشد ألف مرة مما يشعربه البدن و مرارة الحزن فى الحلق تكوى أكثر من فعل قنابلهلم الكاوية.

المتسرعون !

نفس الغلط ! نفس التسرع ! نفس الإسلوب الغير حضاري ! الثورة الحقيقيه تبدأ من جوانا إحنا. احنا اللي لسة زي ما إحنا.

بقالنا أكتر من أسبوع في موضوع الجيزاوي والموضوع انقلب من مجرد قضية لواحد مهرب شوية ادوية جدول هيطلعله منها قرشين لعداوه وتوتر شديد بين بلدين..وأي بلدين؟  دول مصر والسعودية ..يعني العمود الفقري للمنطقه وتقريبا للأمة العربية كلها.

رد فعل متسرع جدا وعنيف من بعض الشباب و "النشطاء" المعبرين عن الجانب المصري , بمجرد سماع الموضوع دون النظر إلى احتمال وجود ولو نسبه صغيرة جدا إنه يكون فعلا مذنب. شتيمة في الملك و المملكة , مظاهرات عند السفارة باسلوب غير حضاري و تشويه لوجه السفارة بالإسبراي الأسود و غيرها...

افتكرت جدا اللي حصل من سنتين في السودان, وازمة مصر مع الجزائر, الإعلام يولع الناس تتشحن ننزل نتظاهر قدام السفارة يحصل مشاكل أكتر بدون وجود أي تحمل للمسئولية..مسئولية وجود رعايا مصريين في السودان والجزائر ..مسئولية وجود استثمارات أجنبية فاتحة بيوت الآلاف..بدون حتى مانستنى ونشوف فين الحقيقة, اللي في الاخر اثبتت إن احنا الي غلطانين وطلع رئيس الاتحاد يعتذر ويقول فعلا الأتوبيس الخاص بالفريق الجزائري اتعرض لإعتداء في القاهرة, ولما حصل تسريب لاوراق أمن الدولة فيه مستندات بتقول إن كل ده مدبر من الجانب المصري , والله وأعلم إذا كان ده صح ؟ وبقى مصرساعتها منظرها قدام العالم همج.

صورة سميرة ابراهيم صاحبة قضية كشف العذرية وهي رافعة الجزمة في لوجه السفارة هل ده منظر لائق؟ الهاشتاج على تويتر اللي بيشتم الذات الملكية هل ده لائق؟ طب ودلوقتي لما الجيزاوي اعترف على نفسه هل في حد من دول اعتذر؟ 

اللمسة الوحيدة الرائعة في الموضوع كله كانت بعده عن الحكومة والسياسة تماما عندما بدأ كل من أفراد الشعبين الابتعاد عن السياسة وترك الحدود الجغرافية والحكومة جانبا وبدأ كل منهم يتحدث عن تأثير أفراد من أبناء الشعب الاخر في حياته. هي دي القوة الحقيقية اللي متقدرش تغيرها حكومة ولا مواقف تافهة. 

الثورة مش مجرد تَغيير نظام , التغيير جوانا هو المطلوب , مفيش حكومة هتيجي تخلينا متحضرين ومتقدمين إلى لو بدأ ده من جوانا ...